Cumpetenza
Per l'organisaziun e la gestiun d'in corp da pumpiers communal tenor las prescripziuns dals pumpiers da la GVG èn responsablas las vischnancas.
En enclegientscha pon vegnir attribuidas incumbensas da basa a la vischnanca.
La basa legala èn la lescha davart la protecziun cunter incendis e l'ordinaziun respectiva.
L'organisaziun dals pumpiers en il Grischun
L'organisaziun dals pumpiers è sa sviluppada a moda fitg positiva ils ultims onns. Bleras vischnancas mainan organisaziuns regiunalas ch'èn vegnidas furmadas sin recumandaziun e tenor las prescripziuns dals pumpiers da la GVG. Actualmain datti 54 organisaziuns cun var 4'000 pumpiers.
A blers corps da pumpiers communals u corps da pumpiers d'interpresas èn vegnidas attribuidas incumbensas da basa sco:
- salvament sin via/en tunnels
- implants da viafier
- protecziun ABC
- autos-stgala/utensils da salvament
Plinavant han ins installà deposits da material per ils suandants temas d'acziun:
- incendis da guaud e da cultira
- eveniments elementars
Standards da prestaziun
Tenor las prescripziuns per ils corps da pumpiers communals ed ils corps da pumpiers da basa valan ils standards da prestaziun valaivels en l'entira Svizra:
- 10 min. element d'emprima intervenziun dals pumpiers
- 20 min. salvament sin via
- 30 min. manadra/manader da l'acziun en cas da gronds eveniments
- 45 min. protecziun da las auas cunter l'ieli
- 30 - 120 min. divers
- 60 min. viafier
Las prescripziuns che valan per l'entira Svizra sa basan sin la concepziun 2015 e sin la visiun 2025.
Ils pumpiers da la GVG
Il chantun Grischun vegn partì en 7 districts da pumpiers che vegnan mintgamai manads e tgirads per incumbensa da la GVG d'ina inspectura u d'in inspectur en uffizi accessoric. Ad els stattan a disposiziun var 40 instructuras ed instructurs da pumpiers medemamain en uffizi accessoric.
Vossas persunas da contact tar nus èn:
- Conradin Caduff, inspectur da pumpiers
- Ricardo Arpagaus, substitut da l'inspectur da pumpiers
- Christian Flütsch, inspectur da sectur
- Sandra Püntener, coordinaziun di formaziun
- Nico Muzzarelli, manader d'aministraziun
Nus essan cuntanschibels per telefon sut: 081 258 90 90 u via e mail: feuerwehr@gvg.gr.ch
Incumbensas/acziuns
Ils pumpiers prestan in servetsch da prevenziun da donns generala. Els gidan immediat e durant 24 uras al di, spezialmain en cas:
- d'incendis e d'explosiuns
- d'eveniments da la natira
- da tschertga/salvament d'umans e d'animals
- d'eveniments che donnegian u pericliteschan l'ambient
- d'acziuns en il senn da la protecziun da la populaziun
- d'accidents cun ieli e substanzas chemicas ed accidents sin via cun acziuns spezialas
L'agid per la prevenziun da donns generala è gratuit. Acziuns spezialas, sco per exempel acziuns sin via, vegnan messas a quint a la chaschunadra resp. al chaschunader.
La varietad da las acziuns è fitg pretensiusa. Ils pumpiers èn en acziun 1'400 giadas ad onn.
