Sche Vus avais annunzià in donn via Topax, pudais Vus As registrar suenter sin la plattafurma da clientella. Cura che Vus essas As annunziada resp. As annunzià, survegnis Vus per posta in code d'activaziun. Apaina che Vus avais endatà il code e l'Assicuranza d'edifizis dal Grischun ha dà liber las datas, vegn il donn liquidà sin via digitala. Vus pudais inoltrar documents en connex cun il cas da donn via Topax. L'Assicuranza d'edifizis dal Grischun infurmescha medemamain via Topax. Vus survegnis mintgamai in e-mail, cura ch'èn disponibels novs documents sin la plattafurma.
Sa registrar pon sulettamain proprietarias e proprietaris d'edifizis. La glista da proprietarias e proprietaris d'edifizis da l'Assicuranza d'edifizis dal Grischun sa basa sin il register funsil.
Proprietarias e proprietaris en condomini, communitads da cumproprietarias e cumproprietaris, cuminanzas d'ertavlas e d'ertavels, fittadinas e fittadins, administraziuns ed interpresas. La glista da proprietarias e proprietaris d'edifizis da l'Assicuranza d'edifizis dal Grischun sa basa sin il register funsil. Sch'i stat p.ex. scrit "unitad da plaun" sin l'extract dal register funsil, èn registradas tar l'Assicuranza d'edifizis dal Grischun las cuminanzas da proprietarias e proprietaris en condomini, betg proprietarias e proprietaris da singulas abitaziuns. Perquai na survegnan proprietarias e proprietaris en condomini nagin access a datas e na pon era betg barattar datas via Topax.
Vus pudais As registrar qua u suenter che Vus avais annunzià in donn directamain sur Topax. Suenter la registraziun survegnis Vus ina brev d'activaziun per posta. Il code d'activaziun pudais Vus endatar sin la plattafurma da clientella Topax. L'Assicuranza d'edifizis dal Grischun verifitgescha che las datas pon vegnir dadas libras (Correspunda la persuna a la proprietaria resp. al proprietari sin la polissa?). Cura che las datas èn accessiblas, pudais Vus prender invista da Vossas polissas sin Topax.
Emprima prioritad ha per l'Assicuranza d'edifizis dal Grischun la protecziun da las datas da la clientella. Cun trametter in code d'activaziun unic per posta verifitgesch'ins che la persuna che vul sa registrar è propi la proprietaria resp. il proprietari inditgà. Per la registraziun iniziala sin la plattafurma da clientella Topax è necessaria in'identificaziun segira, damai che la plattafurma pussibilitescha l'invista ed il barat d'infurmaziuns confidenzialas.
Sch'i nè betg pussaivel da dar liber las datas, na pudais Vus betg prender invista da las polissas sin Topax e Vus na pudais era betg esser en correspundenza en connex cun donns via la plattafurma. En quel cas survegn la proprietaria u il proprietari da l'edifizi ils documents vinavant en furma stampada per posta. Vus na survegnis nagina infurmaziun, en cas ch'i n'è betg pussaivel da dar liber las datas.
Proprietarias e proprietaris en condomini, communitads da cumproprietarias e cumproprietaris, cuminanzas d'ertavlas e d'ertavels, fittadinas e fittadins, administraziuns ed interpresas. La glista da proprietarias e proprietaris d'edifizis da l'Assicuranza d'edifizis dal Grischun sa basa sin il register funsil. Sch'i stat p.ex. scrit "unitad da plaun" sin l'extract dal register funsil, èn registradas tar l'Assicuranza d'edifizis dal Grischun las cuminanzas da proprietarias e proprietaris en condomini, betg proprietarias e proprietaris da singulas abitaziuns. Perquai na survegnan proprietarias e proprietaris en condomini nagin access a datas e na pon era betg barattar datas via Topax.