Criptadi SSL/TLS

Per garantir la segirezza da Vossas datas durant la transmissiun utilisain nus la procedura da criptadi via HTTPS che correspunda al stadi tecnic actual (p. ex. SSL).

Utilisaziun da servetschs da Google

Questa pagina-web fa diever da servetschs da la Google LLC (USA), tranter auter da Google Maps per visualisar chartas e da YouTube per integrar videos. Durant quest process pon datas persunalas (p. ex. l'adressa dad IP) vegnir transmessas en l'USA. Google utilisescha cookies e tecnologias sumegliantas.

Resguardai per plaschair: Ils Stadis Unids da l'America na valan actualmain betg sco stadi terz segir en il senn dal Reglament general davart la protecziun da datas. Las autoritads americanas han access a datas senza che las burgaisas ed ils burgais da l'UE hajan meds legals efficazis per impedir quai. Sin quests process n'avain nus nagina influenza.

Google garantescha in nivel da protecziun da datas adequat a basa da clausulas contractualas da standard da l'UE. Ulteriuras infurmaziuns chattais Vus en la decleraziun davart la protecziun da datas da Google.

Elavuraziun da datas persunalas

Datas persunalas èn tut las infurmaziuns che sa refereschan ad ina persuna identifitgada u identifitgabla. Ina persuna pertutgada è ina persuna, da la quala vegnan elavuradas datas persunalas. L'elavuraziun cumpiglia mintga contact cun datas persunalas, independentamain dals meds e dals process utilisads, surtut la memorisaziun, transmissiun, acquisiziun, stizzada, archivaziun, eliminaziun ed utilisaziun da datas persunalas.

Nus elavurain datas persunalas en accord cun il dretg da protecziun da datas chantunal e naziunal. Là, nua ch'il Reglament general davart la protecziun da datas (RGDP) da l'UE è applitgabel, elavurain nus las datas persunalas ultra da quai tenor las basas giuridicas da l'art. 6 al. 1 dal reglament numnà.

Ils interess giustifitgads tenor l'art. 6 al. 1 lit. f. RGDP cumpiglian surtut noss interess commerzial da metter a disposiziun nossa pagina-web, la garanzia da la segirezza d'infurmaziuns, la pussaivladad da far valair las atgnas pretensiuns legalas e l'observaziun dal dretg svizzer.

Nus elavurain las datas persunalas per la durada ch'è necessaria per l'intent respectiv u ils intents respectivs. Sche nus avain l'obligaziun da conservar las datas pli ditg sin fundament da pretensiuns legalas u autras, limitain nus l'elavuraziun correspundentamain.

Las datas persunalas che Vus inditgais sin la pagina-web per far diever d'in servetsch u entrar en contact cun nus, vegnan transmessas a moda segira ed utilisadas unicamain per elavurar Vossa dumonda. Per la transmissiun dad e-mails duvrain nus il servetsch dad e-mails europeic Mailgun (regiun da l'UE). Las datas transmessas vegnan elavuradas en l'UE. Mailgun elavura las incumbensas tenor il RGDP. Las datas na vegnan betg duvradas per ulteriurs intents u transmessas ad ulteriurs terzs.

Ulteriurs servetschs ed elavuraziun tras terzs

Durant la visita da nossa pagina-web na rimnain nus naginas datas persunalas, sche Vus na las transmettais betg a moda activa via in formular. L'elavuraziun succeda confurm al RGDP sin servers en l'UE.

Transmissiun da formulars via Mailgun

Per transmetter sur nossa pagina-web dumondas via ils formulars integrescha noss provider da la pagina-web il servetsch dad e-mails Mailgun – ina purschida da la Mailgun Technologies Inc. (USA). Las datas endatadas (p. ex. num, adressa dad e-mail, messadi) vegnan elavuradas sin servers da Mailgun per pussibilitar la transmissiun tecnica dal messadi. I na dat nagin contract direct tranter nus e Mailgun; l'integraziun succeda unicamain en il rom dal servetsch tecnic offert da noss provider da la pagina-web.

Analisa cun Plausible Analytics

Nus faschain diever da l'instrument d'analisa Plausible per registrar datas anonimas davart il diever da nossa pagina-web. Questas datas na cuntegnan naginas infurmaziuns persunalas e vegnan duvradas unicamain per meglierar nossa purschida.

Hosting tras in terz purschider (Vercel)

Nossa pagina-web vegn gestiunada d'ina interpresa da servetschs che s'occupa dal hosting sur Vercel en la cloud da l'interpresa AWS a Frankfurt am Main (Germania). I na dat nagin contract direct cun Vercel; il servetsch tecnic vegn offert en il rom d'ina cunvegna da prestaziun cun noss provider da la pagina-web.

Datas persunalas elavuradas durant la prestaziun d'in servetsch

Nus elavurain las datas da nossa clientella tenor las disposiziuns da la protecziun da datas da la Confederaziun (Lescha federala davart la protecziun da datas) ed il Reglament general davart la protecziun da datas da l'UE en il rom da nossas prestaziuns contractualas. Nus elavurain las datas da basa (p. ex. las datas da basa da la clientella sco nums u adressas), las datas da contact (p. ex. adressas dad e-mail, numers da telefon), las datas da cuntegn (p. ex. endataziuns da text, etc.), las datas da contracts (p. ex. l'object dal contract, la polissa), las datas da pajament (p. ex. las coordinatas bancaras, il cumportament da pajament), las datas d'utilisaziun e las metadatas. Las persunas pertutgadas èn nossa clientella, interessent:as, utilisad:ras, visitad:ras da la pagina-web u collavuratur:as e terzs. L'elavuraziun è necessaria per furnir las prestaziuns tenor la lescha, far il rendaquint ed ademplir noss servetschs da clientella. Las basas legalas per l'elavuraziun èn l'art. 6 al. 1 lit. b RGDP (prestaziuns contractualas) e l'art. 6 al. 1 lit. f RGDP (analisa, statistica, optimaziun, mesiras da segirezza). Nus elavurain las datas ch'èn necessarias per argumentar ed ademplir las prestaziuns contractualas. Ina transmissiun da las datas ad externs succeda unicamain, sche quai è necessari en il rom d'ina empustaziun.

Per ademplir nossas incumbensas legalas faschain nus diever da servetschs externs, surtut en ils secturs da l'IT e dal support. Quests furniturs da servetschs elavuran las datas persunalas unicamain tenor nossas directivas e sin basa contractuala.

En cas determinads transmettain nus era datas persunalas ad organs externs che elavuran ellas en atgna responsabladad, sche quai è previs tenor la lescha u necessari per ademplir las incumbensas (p. ex. inschigner:as da controlla, expert:as, posts spezialisads, organisaziuns spezialisadas, autras autoritads, etc.). Quests posts elavuran las datas en atgna responsabladad quai che reguarda la protecziun da las datas. 

Durant l'elavuraziun da las datas messas a disposiziun a nus en il rom d'ina incumbensa agin nus tenor las disposiziuns legalas davart l'elavuraziun d'ina incumbensa tenor l'art. 28 RGDP e n'elavurain las datas betg per auters intents che quels numnads en l'incumbensa.

Nus stizzain las datas suenter la scadenza da la garanzia legala e da las obligaziuns cumparegliablas. La necessitad da conservar las datas vegn examinada en intervals irregulars. En cas d'obligaziuns d'archivaziun legalas vegnan las datas stizzadas suenter la scadenza da quellas.

Modificaziuns

Nus pudain modifitgar da tut temp e senza preavis questa prescripziun davart la protecziun da las datas. I vala la versiun mintgamai actuala publitgada sin nossa pagina-web.

Contact per dumondas davart la protecziun da las datas

Sche Vus avais ulteriuras dumondas davart la protecziun da las datas, pudais Vus trametter a nus da tut temp in messadi a l'adressa datenschutz@gvg.gr.ch. Noss:as spezialist:as per la protecziun da las datas As stattan gugent a disposiziun.

stadi: 10.2025