Cassa per donns elementars
Survista
La Cassa per donns elementars dal Grischun paja indemnisaziuns per donns vi da bains immobigliars e culturas che n'èn betg assicurabels. La cassa paja ina contribuziun dad 80 % da la summa da donn imputabla. Il dretg da survegnir l'indemnisaziun ha da princip la proprietaria u il proprietari da l'object donnegià.
Donns cun dretg d'indemnisaziun
Ils suandants donns profiteschan d'ina indemnisaziun da la Cassa per donns elementars dal Grischun:
- bains immobigliars betg utilisads per intents commerzials
- surfatschas agriculas e territoris d'alpegiada
- stabiliments per l'avertura e la segirezza
- guaud, sche pli che 20 % da la laina en pe per parcella vegn donnegiada
Ristgas
La Cassa per donns elementars dal Grischun paja contribuziuns en cas d'eveniments chaschunads da las suandantas ristgas:
vents d'orcan | squatschs |
auazun | crudada da crappa |
inundaziuns | sbuvaditschs |
lavinas | bovas da glitta |
pressiun da la naiv | culp dal chametg (senza fieu) |
fondssuisse
Il Fond svizzer da sustegn en cas da donns elementars betg assicurabels (fondssuisse) è ina fundaziun cun domicil legal a Berna.
Il fondssuisse paja sin basa voluntara ina contribuziun supplementara da maximalmain 10 %. Il dretg da survegnir ina tala contribuziun han persunas natiralas, corporaziuns (sche lur commembras e commembers èn persunas natiralas), instituziuns privatas sco era persunas giuridicas u societads da persunas, sche quellas han il caracter d'ina firma singula.
Las dumondas da contribuziun al fondssuisse vegnan inoltradas automaticamain da la Cassa per donns elementars dal Grischun.
Organisaziun
La Cassa per donns elementars dal Grischun è in'instituziun da dretg public independenta gestiunada da l'Assicuranza d'edifizis dal Grischun. La direcziun da l'Assicuranza d'edifizis dal Grischun maina era las fatschentas da la Cassa per donns elementars dal Grischun.
Dumondas e respostas – ina survista
Na. Il chantun Grischun ha endrizzà la cassa per indemnisar donns elementars betg assicurabels, chaschunads surtut d'eveniments da la natira particulars.
Na, il donn minimal importa CHF 500.–, v.d. donns sut CHF 500.– na vegnan betg indemnisads. Donns da passa CHF 500.– survegnan ina contribuziun dad 80 %.
Na, la Cassa per donns elementars dal Grischun inoltrescha ina dumonda al fondssuisse.