Cun lur lavur garanteschan las spazzachaminas ed ils spazzachamins per indrizs da stgaudar segirs ed ecologics e contribueschan cun l'inspecziun da fieu considerablamain a la protecziun cunter incendis preventiva.
Frequenza da las controllas
Ils fatgs da spazzachamin odierns èn reglads en la Lescha e l'ordinaziun davart la protecziun cunter incendis dal chantun Grischun. En la directiva da l'Assicuranza d'edifizis dal Grischun per ils fatgs da spazzachamin chatt'ins infurmaziuns davart l'interval recumandà per controllar e nettegiar ils differents indrizs da stgaudar. Tge interval che fa senn dependa fitg dal stadi da l'indriz resp. da sia vegliadetgna e da l'intensitad dal diever. Sulettamain la maistra u il maister spazzachamin decida quantas giadas ad onn ch'igl è necessari da controllar ed eventualmain nettegiar l'indriz da stgaudar.
En il rom da sia lavur controllescha la spazzachamina u il spazzachamin per incumbensa da l'Uffizi per la natira e l'ambient dal Grischun era las qualitads ecologicas da l'indriz e contribuescha uschia activamain a la protecziun da l'ambient.
Colliaziun a la directiva da l'Assicuranza d'edifizis dal Grischun per ils fatgs da spazzachamin
Inspecziun da fieu
Las spazzachaminas ed ils spazzachamins controlleschan regularmain ils indrizs da stgaudar ed èn obligads d'infurmar l'Assicuranza d'edifizis dal Grischun davart defects.
Il monopol garantescha la segirtad / tariffa dals spazzachamins
Pervia da las circumstanzas geograficas en il chantun Grischun sustegna la populaziun anc oz fermamain il monopol dals spazzachamins. Cun agid da la tariffa unifurma dals spazzachamins èsi garantì che tut las regiuns en il chantun vegnan servidas cun la medema mesira.
Colliaziun a la tariffa dals spazzachamins dal 1-5-2023
Artitgel en la part d'immobiglias da la Südostschweiz dal favrer 2013
Responsabladad
Tge spazzachamin è la persuna da contact per mia vischnanca? Qua chattais Vus ina glista d'adressas da tut las maistras e tut ils maisters spazzachamin dal Grischun:
Glista d'adressas da las maistras e dals maisters spazzachamin.pdf
{{widget:chimney_sweep}}
Colliaziun a l'Associaziun grischuna da las maistras e dals maisters spazzachamin
Colliaziun a Spazzachamins Svizra