Contribuziuns

Cun l'entrada en vigur da l'ultima revisiun parziala da la Lescha davart l'assicuranza d'edifizis il 1-1-2018 paja l'Assicuranza d'edifizis dal Grischun contribuziuns da 25% dals custs imputabels per mesiras da prevenziun facultativas che protegian edifizis existents cunter privels da la natira.

 

Ils detagls davart il proceder ed il dretg a contribuziuns chattais Vus en noss Fegl d'infurmaziun davart contribuziuns finanzialas per mesiras da prevenziun facultativas ed en las basas legalas. La dumonda da contribuziun per mesiras facultativas sto vegnir emplenida per mintga edifizi ed inoltrada a nus. La petenta u il petent sto spetgar la garanzia da contribuziun da la GVG avant che cumenzar cun las lavurs.

 

Erhöhte Lichtschächte als mögliche Präventionsmassnahmen

 

Sut il titel «lavurs da mantegniment» pudais Vus eventualmain deducir da la taglia – sco pauschala u sco custs effectivs – ils custs restants da las mesiras a partir da la retratga / la messa en funcziun. Ils detagls ston vegnir sclerids cun l'Administraziun da taglia dal chantun Grischun.

 

Vulais Vus savair, sche Vus avais il dretg da survegnir contribuziuns per las mesiras da protecziun che Vus avais planisà? U As interessais Vus per il proceder dal pajament da contribuziuns? Contactai nus per telefon sut 081 258 90 30 u scrivai in e-mail ad esp@gvg.gr.ch – la spezialista responsabla u il spezialist responsabel cusseglia gugent Vus.