Avegnir dals corps da pumpiers/visiuns
Ils corps da pumpiers èn en in process che sa transfurma d'in cuntin. Els ston permanentamain s'adattar als novs privels ed a las novas circumstanzas. Suenter las concepziuns da pumpiers 2000plus e 2015 han ins ussa gia introducì la concepziun 2025plus.
En tge direcziun cun ils pumpiers?
Malgrà ch'ils pumpiers han adina dapli incumbensas, mantegnain nus il sistem da milissa ch'è simpel, favuraivel, orientà a l'acziun ed efficazi. La grondezza dal chantun Grischun e la pauca populaziun pretendan in'organisaziun dals pumpiers fermamain decentralisada cun la furmaziun d'accents per ademplir incumbensas spezialas (salvament sin via, protecziun ABC, cumbat cunter eveniments elementars, incendis da guaud, etc.).
Per che nus possian er en l'avegnir far frunt a las pretensiuns, concepin nus nossa lavur tenor prioritads, numnadamain:
- planisaziun dals corps da pumpiers (promoziun da la collavuraziun)
- furmaziun orientada a las acziuns
- organisaziun da las acziuns speziala
Planisaziun dals corps da pumpiers
Las resursas finanzialas e persunalas duain vegnir impundidas a moda effizienta e coordinada. Perquai aspirain nus ad ina collavuraziun intercommunala efficazia dals corps da pumpiers tenor il motto: «Ensemen essan nus pli ferms.»
Quai po succeder en furma da simplas cunvegnas da collavuraziun fin la fundaziun da consorzis (fusiuns).
Finamiras principalas
- garantir ils standards da segirezza pretendids per tut la surfatscha
- equipament e bus da la squadra orientads a las incumbensas
- rait d'alarm e collavuraziun
- concepts d'acziun spezials (incumbensas da las basas da pumpiers)
- soluziuns favuraivlas