Avis da finiziun
Ans infurmai per plaschair, uschespert che Voss project da construcziun è finì e pront per la collaudaziun. Nossa experta u noss expert da la protecziun cunter incendis s'annunzia en scrit u per telefon per la controlla.
Cliccai qua sin noss formular online:
Colliaziun: Avis da finiziun
Nov indriz da stgaudar
Lescha d'energia
Per l'execuziun da la Lescha d'energia (820.200, stadi dal 1. da schaner 2021) è mintgamai responsabla la vischnanca da domicil dal producider da chalur. En il rom d'ina obligaziun d'annunziar novs produciders da chalur executescha ella las disposiziuns davart la chalur regenerabla.
Ils documents ston vegnir inoltrads directamain a la vischnanca responsabla. Sut la suandanta colliaziun pon ins telechargiar els da la pagina-web da l'Uffizi d'energia e da traffic dal Grischun:
https://www.gr.ch/DE/institutionen/verwaltung/diem/aev/energieeffizienz/vollzug/energienachweis/ersatzwaermeerzeugung/Seiten/default.aspx
Permissiun da la polizia da fieu
Avais Vus remplazzà ubain installà da nov in indriz da stgaudar?
Infurmai nus davart la finiziun cun il formular online qua sutvart.
Infurmai nus davart la finiziun cun il formular online qua sutvart.
Sche Vus midais il combustibel (p.ex. d'in stgaudament dad ieli ad in stgaudament cun laina) u survegnis novas installaziuns, stuais Vus inoltrar avant ina dumonda da permissiun.
Construcziuns novas, renovaziuns e transfurmaziuns d'indrizs da stgaudar ston vegnir permessas da la polizia da fieu. Inoltrai per plaschair Vossa dumonda emplenida cumplettamain.
Colliaziun: Formular da dumonda stgaudaments singuls cun combustibels solids
Colliaziun: Formular da dumonda indrizs da stgaudar (u tancadis)
Il remplazzament 1 ad 1 d'ina chaldera ans pudais Vus communitgar via il formular online:
Colliaziun al formular online: Remplazzament da l'agregat da combustiun
Spustament dal termin
Nossas collavuraturas e noss collavuraturs fan controllas da collaudaziun, controllas posteriuras e controllas periodicas da la protecziun cunter incendis da las immobiglias u dals indrizs per la polizia da fieu. Per regla avisain nus ina tala controlla en scrit ina fin trais emnas avant il termin. Ils termins èn liants.
Sch'i n'avess betg dad esser pussaivel d'observar il termin avisà, contactai p.pl. ad uras directamain l'experta responsabla u l'expert responsabel da la protecziun cunter incendis u faschai online la dumonda da spustar il termin.
Cliccai qua sin noss formular online:
Colliaziun: Dumonda da spustar il termin