Premias/index da l'assicuranza

Premia

 

Classa d'edifizis A, 28 raps per CHF 1'000.00 da la summa assicurada*

(edifizis cun paraids exteriuras purtantas ch'èn inflammablas per max. in terz)

 

Betonhaus

 

 

Classa d'edifizis B, 49 raps per CHF 1'000.00 da la summa assicurada*

(edifizis cun paraids exteriuras purtantas ch'èn inflammablas per dapli ch'in terz)

 

Holz

 

* incl. taxa da prevenziun da 9 raps. La taxa da prevenziun è la contribuziun da las proprietarias e dals proprietaris d'edifizis als custs da l'Assicuranza d'edifizis per mesiras per la prevenziun ed il cumbat da donns (protecziun cunter incendis e pumpiers)

 

Premia per ristgas elementaras

Edifizis ch'èn sin fundament da lur moda da construcziun u posiziun exposts ad in privel da donns elementars elevà vegnan taxads cun ina premia per ristgas elementaras da 30 raps per CHF 1'000.00 da la summa assicurada.

 

Premia per l'assicuranza per il temp da construcziun

La premia per il temp da construcziun vegn calculada per il temp a partir dal cumenzament enfin la fin da las lavurs da construcziun (pront per abitar) e sa basa sin 2/3 da la valur da nov da la valitaziun uffiziala.

 

Quota persunala voluntara

En in rom limità èsi pussaivel da tscherner ina quota persunala.

 

Index da l'assicuranza

Las valurs d'assicuranza vegnan adattadas mintg'onn senza stimaziun al svilup dals custs da construcziun. Decisiv per l'adattaziun è l'index svizzer dals custs da construcziun (construcziun auta, regiun gronda Svizra Orientala). Ins procura uschia che las valurs d'assicuranza correspundan al stadi dals custs (index dals custs da construcziun) e ch'igl è en cas da donn pussaivel da metter en urden il donn per ils pretschs actuals. 

 

L'index da l'Assicuranza d'edifizis dal Grischun ha per il mument 126.3 puncts. Qua chattais Vus ina survista dals indexs dapi il 1939.