En il rom dal process da management da la qualitad (EFQM) ha il cader elavurà princips da direcziun e da cumportament. Parallelamain ha l'entir team GVG sviluppà in maletg directiv che va a prà cun la strategia. Quel cumpiglia ils suandants puncts:
- Nus vegnin adina in zic megliers!
- La politica e la populaziun èn loschas da la GVG, perquai ch'ella creescha plivalur.
- Nus concepin a moda activa l'avegnir.
- Nus liquidain a moda speditiva, cumpetenta e correcta ils giavischs da la clientella.
- Nus identifitgain nossas ristgas principalas ed ans preparain proactivamain sin ellas.
- Nus pratitgain in management da ristgas integral.
- Noss corps da pumpiers salvan umans ed impedeschan e reduceschan donns. L'efficacitad da las intervenziuns è da mantegnair u d'augmentar en tut las parts dal chantun.
- La protecziun cunter incendis s'orientescha a las ristgas ed a la garanzia da qualitad.
- Nus avain collavuraturas e collavuraturs cumpetents e bainvulents ed in cader cun experientscha da manar.
- Nus lavurain sco team ed essan loschs da nossas prestaziuns. Nus essan innovativs e critics.
- Nus duvrain ils svilups da la digitalisaziun per simplifitgar e raziunalisar ils process.
- Nus reducin la polluziun da l'ambient.