La Fundaziun da prevenziun da las assicuranzas chantunalas d'edifizis ha sviluppà la plattafurma Prevent-Building per valitar la rentabilitad da las mesiras per proteger edifizis. La plattafurma permetta da far in'analisa dals custs e dal niz adattada ed unifurma da las mesiras per proteger edifizis cunter privels gravitativs e meteorologics da la natira. La metodica s'orientescha al concept da ristgas general per privels da la natira.

Ina versiun curta da la metodica chattais Vus qua.

La plattafurma sa drizza a planisaders, architectas ed inschigneras ed inschigners da controlla da l'Assicuranza d'edifizis ch'èn confruntads cun la planisaziun da mesiras per proteger edifizis. Per pudair far diever da la plattafurma Prevent-Building duvrais Vus atgnas datas d'access. Per datas d'access pon ins dumandar l'Assicuranza d'edifizis dal Grischun (champ da selecziun Organisaziun).