Pli e pli savens chaschunan privels da la natira donns per part massivs. Bleras proprietarias e blers proprietaris da chasas sco era patrunas e patruns da construcziun sutvaliteschan quels privels e survesan privels smanatschants, cura ch'els construeschan in edifizi nov u renoveschan in object existent.
Pass per prevegnir cun success a donns elementars tar edifizis novs ed objects existents
1. pass: s'infurmar davart la situaziun da ristga
As infurmai tar Vossa vischnanca da domicil u autoritad da construcziun davart la situaziun da ristga. Sin la charta d'infurmaziun da privels u la charta da privels ed il plan da zonas vesais Vus la ristga effectiva.
2. pass: elavurar mesiras da protecziun
As laschai cussegliar d'ina experta u d'in expert (architecta, inschigner u Assicuranza d'edifizis dal Grischun). Els mussan a Vus eventuals deficits da protecziun ed elavuran ensemen cun Vus mesiras per proteger l'edifizi. Sco basa pon servir ils mussavias per la protecziun d'objects da l'Uniun da las assicuranzas chantunalas cunter fieu.
Sustegn da l'Assicuranza d'edifizis dal Grischun
Nus sustegnain e cussegliain gugent Vus da planisar mesiras da protecziun en connex cun Voss project da construcziun u suenter in cas da donn.
Ils suandants documents infurmeschan davart la moda da proceder per projects da construcziun:
- Projects da construcziun e cas da donn en territoris da privel mellens
- Projects da construcziun en zonas da privel
- Prevenziun generala da donns elementars en connex cun projects da construcziun
En cas da dumondas pudais Vus contactar nus per telefon sut: 081 258 90 30 u per e mail: esp@gvg.gr.ch.
È Voss edifizi protegì bain?
I vala la paina da far in check: Protecziun cunter privels da la natira
Protecziun cunter granella
Storas automaticas per ina protecziun optimala cunter granella