Cun l'intent da proteger persunas, animals, objects ed ambient decidan las expertas ed ils experts da la protecziun cunter incendis davart mesiras necessarias per evitar incendis, impedir ch'in incendi sa derasia u ch'i dettia explosiuns.
Responsabladad
Sco basa per ademplir questa incumbensa servan la legislaziun chantunala e las prescripziuns per la protecziun cunter incendis che valan per l'entira Svizra.
L'autoritad chantunala per la protecziun cunter incendis è responsabla per la protecziun cunter incendis preventiva d'edifizis e stabiliments spezialmain periclitads e l'autoritad communala per la protecziun cunter incendis è cumpetenta per la protecziun cunter incendis preventiva d'edifizis e stabiliments betg periclitads spezialmain.
La gronda part da las vischnancas politicas en il chantun Grischun ha attribuì la responsabladad a l'autoritad chantunala per la protecziun cunter incendis, numnadamain a la partiziun protecziun cunter incendis da l'Assicuranza d'edifizis dal Grischun.
Contact
La partiziun protecziun cunter incendis vegn manada da Marco Sgier (marco.sgier@gvg.gr.ch) e ses substitut Leo Cathomen (leo.cathomen@gvg.gr.ch).
Per dumondas generalas As drizzai per plaschair al secretariat da la protecziun cunter incendis tel. 081 / 258 90 50 u brandschutz@gvg.gr.ch.
Per dumondas tecnicas pudais Vus contactar directamain l'experta responsabla u l'expert responsabel per la protecziun cunter incendis da Vossa vischnanca.
{{widget:fire_protection}}