Las vischnancas grischunas pon s'assicurar tar l'Assicuranza d'edifizis cunter custs d'acziuns da pumpiers da passa CHF 15'000.– (quota persunala) per cas.
Assicurads èn en spezial:
- la salarisaziun dals pumpiers ch'èn stads en acziun
- l'agid da corps da pumpiers vischins
- il diever d'in helicopter (sto vegnir ordinà da l'inspectur da pumpiers)
- prestaziuns estras sco il diever da maschinas da construcziun e camiuns, uschenavant che quellas stattan en connex direct cun la gestiun d'in eveniment
Proceder en cas da donn
L'annunzia dal donn è da princip garantida en il concept d'alarm e d'avis vertent. Sch'ils custs d'acziun assicurads surpassan la quota persunala da CHF 15'000.–, sto vegnir inoltrà a nus in rendaquint dals custs detaglià e documentà en tut las parts.
Il formular dal rendaquint chattais Vus qua. En il formular chattais Vus las tariffas actualas. Las numerusas reacziuns positivas mussan cleramain che l'assicuranza dals custs d'acziun satisfa ad in basegn da las vischnancas, e quai sut cundiziuns attractivas. 102 da 105 vischnancas èn assicuradas.
Ulteriuras explicaziuns chattais Vus en las directivas e disposiziuns per l'assicuranza dals custs da l'acziun.
Per dumondas As stat gugent a disposiziun signur Nico Muzzarelli sut nico.muzzarelli@gvg.gr.ch, 081 258 90 94.